Description:

તમે ફરિયાદ કરો છો કે તમારી અને આપણી મુલાકાત થતી નથી,પણ હું તમને કેવી રીતે સમજાવું કે અનેક રીતે હું તમારી મુલાકાત લઉં છુ. વહેલી પ્રભાતે પંખીઓના કંઠમાં સંગીત બનીને હું તમને જગાડું છુ. અને સૂર્યના કિરણોનો પોષક ધારણ કરી ને હું તમારા દર્શન કરવા આવું છું. મંદિર તરફ જયારે તમે પગલાં માંડો છો ત્યારે ઘંટાનાદમાં છુપએને હું તમારું સ્વાગત કરું છું. અને તમે ચરણે પુષ્પો ધરો છો ત્યારે પ્રભાતના પુષ્પો બનીને હું જ તમારા હાથમાં શોભું છું. સૂર્યથી તેજ છુટું પડી શકતું નથી,સાગરથી મોજા વિખુટા પડતા નથી અને વસ્તુમાંથી છાયા દુર થઈ શકતી નથી તો પછી તમે જ કહો કે તમે અને હું જુદા કેવી રીતે છીએ ?..